دەستکردی مەمک ڕێگایەکە بۆ زیادکردنی قەبارەی مەمک یان بەدەستهێنانی شێوەی خوازراو لە خانماندا. شێوە و قەبارەی مەمکەکان لە زۆرێک لە خانماندا ناهاوسەنگن، بەکارهێنانی دەستکرد دەتوانێت یارمەتی ئەم کەسانە بدات بۆ گەیشتن بە شێوەی دڵخوازی خۆیان. هەروەها زۆرێک لە خانمان لە قەبارەی مەمکەکانیان ڕازی نین، چاندنی مەمک یەکێکە لە باشترین ڕێگاکان بۆ زیادکردنی قەبارەی مەمک.
ڕێکارەکانی دەستکرد
لە یەکێک لە ڕێکارەکاندا بڕینێکی ٣ بۆ ٥ سم لە ژێر مەمکدا دەکرێت و دەستکردەکە لەم ناوچەیەوە دەخرێتە ناو جەستە. شلبوونەوە و دۆخی سروشتی مەمک بە تەواوی شوێنی درووستکردنەکە دادەپۆشێت. هەروەها بەکارهێنانی ئەو دەرمان و مەڵهەمانەی کە پزیشک بۆی دەنووسێت تا ڕادەیەکی زۆر یارمەتیدەرە لە لابردنی درزەکان.
لە شێوازێکی تردا بڕینێک لە نزیک ئاریۆلای سنگ دەکرێت. لەم شێوازەدا ڕەنگە بڕینەکە کەمێک زیاتر دیار بێت یان دواتر لە کاتی شیرپێداندا کێشە بۆ کەسەکە دروست بکات. هەر لەبەر ئەم هۆکارە بە پێچەوانەی شێوازی پێشوو ئەم شێوازە هەوادارێکی زۆری نییە.
دانانی دەستکردەکە لەوانەیە لە ژێر یان لەسەر شانەکانی ماسولکەکان بێت. هەڵبژاردنی شێواز و شوێنی دانانی دەستکرد بەندە بە ئیرادەی پزیشک و پێداویستی نەخۆش.
