چاندنی برۆ یەکێکە لەو خزمەتگوزارییانەی کە لەم ڕۆژانەدا لای خەڵک زۆر بەناوبانگ بووە. برۆ یەکێکە لە هۆکارە گرنگەکانی جوانی و سەرنجڕاکێشی دەموچاوی مرۆڤ. بەزۆری بوونی برۆی زۆر تەنک یان زۆر بەتاڵ سەرنجی کەسانی تر ڕادەکێشێت و زۆر جوان نییە. هەروەها لە ئەنجامی ڕووداوێکدا ڕەنگە هەموو یان بەشێکی برۆکە لەدەست بچێت و چیتر گەشە نەکات.
ڕێکارەکانی چاندنی برۆ
ئەگەر ئاشنای شێوازەکانی چاندنی قژ بیت، ڕەنگە بزانیت کە چاندنی برۆ بە هەمان شێوە ئەنجام دەدرێت. هەڵبژاردنی شێوازی چاندن پەیوەستە بە ئامانجی حاڵەتی نەخۆش و جۆری قژ و ویستی پزیشک. ئەو مووەی کە لە پشتی سەرەوە وەردەگیرێت پێویستە بە گۆشەیەکی دروست و ورد لە شوێنەکانی دابەشبوونەکەدا بچێنرێت.
ماوەی چاندن پەیوەستە بە بڕی چڕییەکەیەوە، بە واتایەکی تر بە ژمارەی ئەو مووانەی کە دەچێنرێن. لەوانەیە تا ٤ کاتژمێر بخایەنێت. بەشێوەیەکی سروشتی پێستی ئەو شوێنەی بڕاوە لە برۆدا هەوکردن و سوور دەبێتەوە، ئەمەش دوای کەمتر لە هەفتەیەک نامێنێت.
