لابیاپلاستی نەشتەرگەرییەکە کە بۆ خانمان ئەنجام دەدرێت بۆ ڕاستکردنەوەی کەموکوڕیەکانی ناوچەی زاوزێ. ڕەنگە زۆرێک لە خانمان لە سەرانسەری جیهان لە ڕواڵەت یان ئەناتۆمی ناوچەی زاوزێیان ناڕازی بن. لابیاپلاستی شێوازێکە بۆ ڕاستکردنەوەی کەموکوڕیەکانی وەک ناهاوسەنگی لابیا، دەرکەوتنی لابیا و تەسکبوونەوەی کەناڵی زێ بەکاردێت.
نەشتەرگەری لابیاپلاستی چۆنە؟
ئەم نەشتەرگەرییە ڕەنگە بە دوو شێوە ئەنجام بدرێت: TRIM و WEDGE. هەڵبژاردنی شێوازی نەشتەرگەری بەندە بە پێداویستی و بارودۆخی موراجع و دەستنیشانکردنی پزیشک. لە ڕێگای یەکەمدا لایەکانی لێوەکان دەبڕدرێن و دوای لابردنی کەموکوڕییەکان و بەدەستهێنانی ئەنجامی دڵخواز، دووبارە دەدورینەوە. لە شێوازی دووەمدا بڕینێکی شێوەی V لە هەریەک لە لێوەکاندا دەکرێت. لەم شێوازەدا شانەکانی ناوچە ناوەندییەکان گۆڕانکاری زیاتریان بەسەردا دێت. وەک باس کرا هەڵبژاردنی جۆری نەشتەرگەرییەکە لە لایەن پزیشکەوە دوای ڕاوێژکردن دیاری دەکرێت.
لابیاپلاستی پێویستی بە بێهۆشکردن نییە و بە بێهۆشکردنی ناوچەیی ئەنجام دەدرێت. ئەو کاتەی کە ڕەنگە بۆ ئەم نەشتەرگەرییە بخایەنێت یەک یان دوو کاتژمێر بێت.